पहिरोले पाल्पामा दुई वटा गाडी बगायो, दुई जनाको शव फेला


mukhundo.com, २०७७ असार ८ सोमबार


पहिरोले पाल्पामा दुई वटा गाडी बगायो, दुई जनाको शव फेला

काठमाडौं । सोमबार पाल्पाको तानसेन रिडी सडक खण्ड अन्तर्गत तानसेन नगरपालिका ११ स्थित सम्मोबारी भन्ने ठाउँमा पहिरोले दुई वटा गाडी बगाएको छ । पहिरोले एउटा ट्याङ्कर र एउटा मिनीट्रक बगाउँदा दुई जनाको शव भेटिएको पाल्पाका डीएसपी मदन गिरीले  बताए । गिरीका अनुसार एक जनाको उद्धार गरिएको छ ।

डीएसपी गिरीले भने, ‘पहिरोले दुई वटा गाडीलाई सडकबाट तल झारेको छ । तर पुरिसकेको अवस्था भने छैन । पहिरोले बगाएको सवारी साधनमा कति जना मानिस सवार थिए भन्ने यकिन हुन सकेको छैन । हामी उद्धारमा रहेकाले यो भन्दा बढी भन्ने सक्ने अवस्था छैन ।’

प्रतिकृया

प्रतिकृया

Advertisement