काठमाडौँ । शुक्रबार विहान १० बजे त्रिभुवन अन्तराष्ट्रिय विमानस्थलको प्रतिक्षालयमा लमजुङका सोमप्रसाद श्रेष्ठ रुग्न कुरिरहेका थिए । मलिन निन्याउरो अनुहार लिएर विमानस्थलबाट विशिष्ट व्यक्ति बाहिरिने कक्षको गेटमा कुरीरहेका थिए ।

उनी मात्र होइनन् उनको श्रीमती छोरी आफन्त र छरछिमेकी समेत त्यही थियो । उनी अरु कसैलाई कुरिरहेको नभइ द्वन्द्वग्रस्त मुलुक लिबियामा गत असार १७ बम बिस्पोटमा परि मृत्यु भएका उनका छोरा सन्तोष श्रेष्ठको लाश कुरिरहेका थिए ।

सन्तोषको मृत शरिर शुक्रबार विहान १० बजे कतार एयरलाइन्स्बाट आउने निर्धारित समय थियो । तर समयमै जहाज अवतरण हुन नसक्दा उनी शोक, भोकका कारण मलिन अनुहार लिएर विमानस्थलबाट यात्रुहरु बाहिरिने कक्षमा कुरिरहेका थिए ।

सन्तोष गएका पौषमाघमा मात्र लिबिया गएका थिए । उनी नेपालबाट अबैधानिक बाटो हुदैँ लिबियासम्म पुगेका हुन् । उनी त्यहाँ पुगिसकेपछि अलपत्र परेको र अन्तर्राष्ट्रिय आप्रवास संगठन आइओएमको टोलीले उद्धार गर्न खोज्दा उनी उक्त उद्धार टोलीमा नअटेर पुनः लिबिया नै फर्केका थिए ।

उनी कुन मेनपावरबाट गएको हो भन्ने अझै टुंगो लागेको छैन । उनी दलाल मार्फत अबैध बाटो हुँदै लिबियासम्म पुगेको उनको बुवाले सोमप्रसादले बताए ।
झण्डै १५ लाख रुपैयाँ खर्च गरेर उनी लिबिया पुगेका थिए । लिबिया द्वन्द्वग्रस्त मुलुक भएकाले उनी लिबियामा काम गर्न नसक्ने र त्यहाँ बस्न मस्किल हुने भएपछि उनी इटाली जाने भन्दै घरमा सम्पर्क गरेका थिए । घरबाट २ लाख रुपैयाँ खर्च दिएर उनी इटाली जाने योजनामा थियो ।

लिबियाबाट नेपाल फर्काउने प्रयास अन्तराष्ट्रिय श्रम संगठन आइएलओले गरेका थिए । तर आइएलओले उद्धार गरेको जहाजमा ८ जना मात्र अटायो । र उनी फेरी लिबिया नै पुगेको उनको परिवारले बताएका छन् । लिबियामा नेपाली दुताबास नभएको र कायोरोमा रहेको नेपाली दुताबासले उनको मृत्यु भएको पुष्टि गरेका थिए ।

उनी प्लस टु गाउँमै गरेका थिए । र थप पढ्नका लागि उनी काठमाडौँ आए काठमाडौँमा होटल म्यानेजमेन्ट पढेका सन्तोष एक महिनाजति पोराखमा रहेको एक विद्युत आयोजनामा समेत काम गरे । तर उनी उक्त काम छोडेर लिबियाको यात्रामा निस्केका थिए ।

उनी यसअघि मलेसिया र कतारमा समेत गएका थिए । मलेसिया र कतारमा भनेको जस्तो नभएपछि उनी नयाँ गन्तब्यको खोजि गरेर लिबियाको जोखिम मोल्न पुगेको उनको बुवाले बताए ।  मलेसिया र कतारमा जाँदा अरुबाट लिएको पैसा चुक्ता गरिसकेका थिए । तर नयाँ गन्तव्यमा जानका लागि उनले आफूसंग भएको ३ लाख र बुवासंग भएको ५ लाख र गाँउकै सहकारीबाट लिएका ५ लाख ऋण लिएर लिबियाको यात्रामा निस्केका थिए ।

लमजुङ भुर्तेका दिनेश बस्नेत उनका साथी थिए । उनी पनि लिबियामा संगै गएको थिए । तर सन्तोष चाँही लिबियाबाट फर्कन सकेन दिनेशलाई आइएलओको टोलीले उद्धार गरियो । उनीसंगै गएका टोलीहरुमा उनी एक्ला भए । उनले जेठ १९ गतेसम्म घरमा सम्पर्क भइरहेको थियो । अनलाईनबाट उनको र घर परिवारको कुराकानी हुन्थ्यो । तर जब जेठ १९ पछि कुनै सम्पर्कनै भएन । र उनको असार १७ मा भएको बम विस्पोटमा परि ज्यान गयो ।

उनको मृत्यपछि उनको आफन्तले टिभि रेडियो तथा अनलाईन पोर्टलहरुमा आएपछि उनका आफन्तले सन्तोषको खोजी गरेका थिए । पछि २५ असारमा सरस्वती अधिकारी र सोमप्रसाद काठमाडौँ आयो र क्षतिपुर्ति स्वरुप सरस्वतीले सोमप्रसादलाई २५ लाख रुपैयाँ दिने ।

सरस्वती अधिकारी सन्तोषलाई पठाउने माइकल अधिकारीकी आमा हुन् । सन्तोषलाई माइकलले लिबिया पठाएका थिए । तर सहमति अनुसारको रकम अहिले दिएको छैन । यसमा दिनेश बस्नेत लगायतको पनि सम्लग्न रहेको देखिन्छ । दिनेश लिबियाबाट आइएलओले उद्धार गरेको टोलीमा उद्धार भएका थिए ।

यता सन्तोषको लाश नेपाल ल्याउन निकै कठिन भयो । झण्डै तीन महिना जति लाग्यो उनको शब नेपाल आइपुग्न । १७ असारमा उनको मृत्यु भएको थियो । लिबियामा नेपालको सिधा सम्पर्क नभएको तथा उनी अबैधरुपमा रहेका कारण उनको शव नेपाल ल्याउन मश्किल परेको हो ।

नेपालको आधिकारित दुताबास लिबियामा नरहेका कारण इजिप्टको कायोरामा रहेको नेपाली दुतावासले लिबियाको समन्वयन गर्नुपर्ने भएकाले शव ल्याउन ढिलो भएको देखिन्छ । सन्तोषको शव मृत्यु भएको ८७ दिनपछि नेपालमा आएको छ । उनको पशुपति आर्यघाटमा शुक्रबार हिन्दु परम्पराअनुसार दाहसंस्कार गरिएको छ ।

प्रतिकृया

प्रतिकृया

Also Read

कश्मीर भिडन्तमा गोरखाका अर्जुन थापा मगरको मृत्यु

मुटुमाथि ढुंगा राखी तस्बिर कैद गर्दा………

रामेछापको सफल कृषी उद्यमीको अवसान

संयुक्त अपांग एकता केन्द्रलाई सजनाको सहयोग

किवी खेतीका अगुवा कृषकको निधन, कृषि क्षेत्रमा अपुरणीय क्षति

२३ तस्विरमा हेर्नुहोस्, संविधान दिवस तथा राष्ट्रिय दिवस २०७६