महिलामाथि यौन दुर्व्यवहार गर्ने प्रहरीका असई जिल्ला तानिए

---

mukhundo.com, २०७६ असार ९ सोमबार

---

• Tweet

ओखलढुंगा । ओखलढुंगाका एक प्रहरी अधिकारीले महिलामाथि यौन दुर्व्यवहार गरेपछि स्थानीयद्वारा चौकी घेराउ गरेका छन्। प्रहरी चौकी श्रीचौरका प्रमुख प्रहरी सहायक निरीक्षक (असई) पर्शुराम विश्वकर्माले एक महिलालाई यौन दुर्व्यवहार गरेको भन्दै स्थानीयले आइतबार राति प्रहरी चौकी घेराउ गरेका हुन्।

मदिरा सेवन गरेर अचेत बनेका असई विश्वकर्माले स्थानीय एक होटलमा आफूलाई यौन दुर्व्यवहार गरेको भन्दै महिला चिच्याएपछि स्थानीय आक्रोशित भएका थिए। मदिरा सेवन गरी महिलामाथि दुर्व्यवहार गरेको आरोप लागेका विश्वकर्मा जिल्ला तानिएका हुन्।

स्थानीयको गुनासो र मौखिक जानकारी आएकाले अनुसन्धान गर्न उनलाई जिल्ला बोलाएको जिल्ला प्रहरी प्रमुख पुष्पराज मल्लले जानकारी दिए। ‘प्रहरी असईले मदिरा सेवन गरी महिलालाई दुर्व्यवहार गरेको भन्ने गुनासो आयो। उनलाई अनुसन्धान गर्न जिल्ला बोलाएका हौँ,’ उनले भने, ‘यदि, गल्ती भएको रहेछ भने विभागीय कारबाहीका लागि सिफारिस हुन्छ।’

महिला अधिकारकर्मीले दुर्व्यवहार गर्ने प्रहरीलाई कारबाहीको माग गरेका छन्। ‘प्रहरीबाट महिला नै असुरक्षित भएको यो पहिलो घटना होइन। त्यसैले संलग्नलाई कडा कारबाही हुनुपर्छ,’ अधिकारकर्मी पेमडोमा शेर्पाले भनिन्। यो समाचार आजको नयाँपत्रिका दैनिकले छापेको छ।

प्रतिकृया

प्रतिकृया

Also Read

प्रधानमन्त्रीले मनकामनाका होटलले झै पद र पैसाको विज्ञापन गरिरहेका छः अध्यक्ष मोक्तान

ओलीले हतियार चलाएर संविधान काटियोः लिलामणि पोखरेल

ओलीले कोरनाबाट जोगिन बेसार खाऔँ भन्दा पनि हामीले गर्वले ताली बजायाैँ : नेता श्रेष्ठ

दोरम्बामा बुधबार हुने नेकपाको जनसभा कार्यक्रमको तयारी पूरा

दोरम्बा गाउँपालिकाको आठौँ गाउँसभा सम्पन्न

दोरम्बामा मगर समुदायले माघी पर्व मनाइयो